dichtet und vordrait vom Schuuflebuur im Laiezorn
Liebe Raphael, liebi Orcheschter-
Mitglieder, Ihr sind nit vo geschter,
nai, mir sind alli doo, y bitt,
noo däm Konzärt ganz glaar vo hitt !
Der Raphael hett me aimool meh
im schwarze Gwändli – wie syt jeh –
mit em Taggstogg wirgge gseh…
s het ganz guet glabbt – was wotsch no meh ?
* * * * *
Jä, bim Dvorak fangts scho aa:
s hänn d Kontrabäss der Yysatz kaa
samt Celli, Fagötter und ai-ai-ai
d Bassklarinette isch nit ganz ellai…
Buure-Reegle:
Bi dääne Döön gfriehrt Stai und Bai,
s brummt wie im Film vom wyyse Hai..
Buure-Reegle:
Do maint e soone dumme Wicht:
«das deent jo fascht wies jüngschte Gricht…»
Dr Raphael, dä het e Trigg:
Er mahnt ys als mit strängem Bligg,
«Spiilet nit mit styffe Pfoote,
und glääbet nit so an de Noote…
Syyget bim Dvorak nit so stuur,
fyhlet d Liebi und Natur,
dängged an Film, au wenn s nit plaant isch
syget aifach ganz romantisch…!
Buure-Reegle:
Sovyyl Romantik isch famoos,
d Liebi und s Glügg sinn gränzeloos…
Buure-Reegle (engl.: «Raphael’s ruule»):
Romantik ischt gleich Depression !
Es drieft und dropft bi jedem Doon…
Spiilet, denn isch der Raphael zfriide
viermool s Glyychlig, doch verschiide !
Do maint e soone Bratsche: «Hee,
das kenne mer vo der SVP…»
Buure-Reegle:
A propos Bratsche: Kasch Gift druff frässe,
die blyybe im Programm nie me vergässe….
Bim Schwelge ischs em Raphael wohl…
D Romantik het jo ihr Symbol:
Es isch e Blueme, d Farb isch blau,
bi sovyyl Sehnsucht wirds aim flau…
Buure-Reegle:
„Me sott“ gheersch ain vom Vorstand mugge,
„statt rot-grien d Flyer blau lo drugge!“
* * * * *
Denn hämmer no das Effie-Stügg,
d Tuba fyhlt sich voll im Glügg,
d Affe gumpe, der Storch spiilt Fleete
und der Elifant d Drumbeete…
Buure-Reegle:
Ych find, ass‘s au passabel klingt,
wenn der David le Clair singt !
* * * * *
Zem Tischhaus kan ych nit vyyl saage,
vom Publikum kemme kaini Klaage…
und allgemain deent das Programm
mänggmool dolce, mänggmool stramm…
Buure-Reegle:
S hänn der Adam und Eva, s stoht in der Biibel esoo,
jo scho sällmool miesse s Paradyys verloh…
Buure-Reegle:
D Eva maint zem Adam: „S wär gsechyt,
mit däm Fyygeblatt gehn mir an d Streetparade…!“
Buure-Reegle:
Der Adam le Clair het vor Gluscht fascht verrisse,
är hätt am liebschte dtstt in d Tuba in dä Öpfel bisse!
* * * * *
Kurzum, de hesch hütt s aob
underem Raphael – wie syt jeh –
im schwarze Gwändli wirgge gseh…
s hett ganz guet glabbt – was wotsch no meh ?!